Բելառուսի մայրաղաքաք  Մինսկում տեղի է ունեցել 2019թ. հունիսի 21-30- ը  անցկացվելիք Եվրոպական երկրորդ խաղերի թալիսմանի շնորհանդեսը: Այդ առթիվ աշխատանքները սկսվել են դեռևս 2017թ: Կազմկոմիտեն ստացել է  ավելի քան 2 հազար տարբերակ: Ընտրվել է   ուրախ,խորամանկ և ընկերասեր կենդանի << Լեսիկ >> աղվեսիկը: Այն խաղերի անբաժան մասն է լինելու և մրցումների բոլոր օրերին ուղեկցելու է մասնակիցներին:  <<  Լեսիկը >> պատկերված է կանաչ, սև, դեղին,կապույտ և կարմիր գույներով, որոնք խորհրդանշում են զարգացում և ներդաշնակություն,կարգապահություն, վճռականություն, կենսունակություն, ուժ և ավյուն:

Շնորհանդեսի արարողությանը հրավիրված էին անվանի մարզիկներ, բարձրաստիճան հյուրեր, լրագրողներ, խաղերի գործընկերներ, մանկական հիմնարկների սաներ . . .

Հիշեցնենք,որ խաղերի ծրագրում ընդգրկված է 15 մարզաձևի 23 մրցաձև: Չորս հազար մարզիկներ կպայքարեն մեդալի 200 հավաքածուի համար, իսկ 10 մարզաձևում կխաղարկվեն 2020թ. Տոկիոյում կայանալիք  օլիմպիական խաղեր ուղեգրեր:

ՀԱՕԿ լրատվական բաժին